Novxanı qəsəbəsində Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidməti maarifləndirici tədbir keçirib.
Sumqayıt24 xəbər verir ki, “Kiçikhəcmli gəmilərin təhlükəsiz istismarı” adlı tədbir su anbarının sahilində təşkil edilib.
Tədbirdə kiçikhəcmli gəmi istifadəçilərinə, o cümlədən balıq və digər su bioresurslarının sənaye ovunu həyata keçirən balıqçılıq subyektlərinə bu tip gəmilərin təchizat avadanlıqları barədə məlumat verilib. Eyni zamanda, kiçikhəcmli gəmi sürücüləri kollektiv və fərdi xilasedici vasitələrdən, naviqasiya avadanlıqlarından istifadə qaydaları ilə tanış olublar.
Sonda iştirakçılara maarifləndirici broşürlər paylanılıb.
