Sumqayıtda “Kollektiv nüfuz və liderlik” mövzusunda təlim keçirilib. Bu barədə Sumqayıt24 20 dekabr tarixində xəbər verir.
Təlimlər Ə.Əliyev adına Sumqayıt Tibb Kolleci və Musiqi Kollecində baş tutub. Əli Miriyevin mentorluğu ilə keçirilən seminarda iştirakçılar kollektiv iş, liderlik üslubları və elementləri, motivasiya metodları, həmçinin gələcək hədəflər kimi mövzularda maarifləndiriliblər. Sonda gəncləri maraqlandıran suallar cavablandırılıb, aktiv iştirakçılara sertifikatlar təqdim olunub.
Layihə şəhər Gənclər və İdman Baş İdarəsinin təşkilatçılığı ilə həyata keçirilib.
