Sumqayıtda "Tələbə - Diksiya” Klubu layihəsi başlayıb. Sumqayıt24 bu haqda 20 iyul tarixində Abşeron-Xızı Regional Gənclər və İdman İdarəsinə istinadən xəbər verir.
Sözügedən proqram "İdeyanı reallaşdır 2023" gənclərin fərdi layihələri üzrə qrant müsabiqəsinin qalibi olub.
Layihənin təqdimatı zamanı və birinci qrup gənclər üçün interaktiv seminarda diskussiya bacarıqlarının formalaşdırılması, natiqlik sənəti ilə bağlı biliklər, Azərbaycan dili normaları, nitq mədəniyyətinin önəmi, ifadəlilik bacarığı və aydın tələffüz üsullarından danışılıb.
Qeyd edək ki, 27 iyulda keçiriləcək növbəti mərhələdə gənclərlə praktik məşğələlər təşkil olunacaq.
