Təbiət Elmləri Təmayüllü Gimnaziyanın bütün məzunları tələbə adını qazandılar.
Sumqayıt24 xəbər verir ki, 70 məzundan üçü təhsilini xarici ölkələrdə davam etdirəcək. Olimpiada qalibi olan gənclərdən biri isə ali məktəbə imtahansız qəbul edilib.
Məlumata görə, gimnaziyanın digər məzunları Azərbaycan universitetlərində oxuyacaqlar. Onlardan 48-i 600-dən çox bal toplayıb.
“Ümumilikdə, məktəb üzrə orta bal 612 olaraq qeydə alınıb”, - deyə təhsil ocağının direktoru, Əməkdar müəllim Nizami Əhmədov əlavə edib.
