Sumqayıtda dənizin çirkləndirilməsi davam edir.
Sumqayit24.az-a göndərilən fotolarda bulvarın altından keçən borudan sahilə, oradan isə birbaşa Xəzər dənizinə kanalizasiya sularının axıdıldığı görünür. Çirkab sular əraziyə kəskin üfunət yaymaqla yanaşı, dənizin ekoloji vəziyyətinə də ciddi zərər vurur.
Sakinlər bildirirlər ki, xüsusilə isti havalarda ərazidə dayanmaq belə mümkün olmur. İnsanların istirahət üçün üz tutduğu sahildə belə mənzərənin yaranması isə aidiyyəti qurumların məsələyə laqeyd yanaşdığını göstərir.
