Əl qumbarasının partlaması nəticəsində həlak olan 66 yaşlı Sergey Truxinin keçmiş həyat yoldaşı açıqlama verib. Bu haqda 17 avqust tarixində Sumqayıt24 Oxu.az-a istinadən məlumat verir.
Hadisə ötən gün 8-ci mikrorayonda yerləşən mənzildə qeydə alınıb. Qadının sözlərinə görə, Truxin bu addımı özü atıb:
"Uzun illərdir ki, ayrı yaşayırıq. Onun ciddi problemləri var idi və müalicə almaqdan imtina edirdi. Kiminsə onu bu addımı atmağa təhrik etdiyini düşünmürəm. O özü həyatdan belə getməyi seçdi. Çünki öz halından razı deyildi".
