Sarayda içərisində 130.000 ABŞ dolları və 700 qram qızıl-zinət əşyaları olan seyf oğurlanıb. Bu haqda 23 iyul tarixində Sumqayıt24 Daxili İşlər Nazirliyinin (DİN) Mətbuat Xidmətinə istinadən məlumat verir.
Hadisə qəsəbədə yerləşən evlərdən birində qeydə alınıb. Çin Xalq Respublikasının vətəndaşları — V.Zhijian və V.Hongfu ölkədən çıxmağa cəhd edərkən polis əməkdaşları tərəfindən saxlanılıblar. Əcnəbilər oğurluq əməlini törətməkdə şübhəli bilinirlər.
Onların üzərindən 17.306 dollar, 9586 BƏƏ dirhəmi, müxtəlif xarici valyutalarda olan pul əsginasları və 147 qram qızıl-zinət əşyaları aşkar edililib.
Oğurlanan pul və zinət əşyalarının yerinin müəyyən edilməsi istiqamətində tədbirlər görülür.
Faktla bağlı cinayət işi başlanılıb, şübhəli şəxslər barəsində həbs qətimkan tədbiri seçilib.
Əməliyyat-istintaq tədbirləri davam etdirilir.
