Xəbər verdiyimiz kimi, bir qrup incəsənət xadiminə Azərbaycan Respublikası Prezidentinin mükafatları verilib.
Bu, Prezident İlham Əliyevin "İncəsənət xadimlərinə Azərbaycan Respublikası Prezidentinin mükafatlarının verilməsi haqqında" və "Azərbaycan Respublikası Prezidentinin fərdi təqaüdünün təsis edilməsi haqqında" Sərəncamlarında əksini tapıb.
Azərbaycan Respublikası Prezidentinin mükafatlarına layiq görülənlər arasında Sumqayıtdan olan incəsənət xadimləri də var. Həmin şəxsləri təqdim edirik:
Sərəncama əsasən, Sumqayıt Dövlət Dram Teatrında uzun illər çalışmış Xalq artisti Həkimova Svetlanaya Azərbaycan mədəniyyətinin inkişafında xidmətlərinə görə Azərbaycan Respublikası Prezidentinin fərdi təqaüdü təyin edilib.
Hazırda Sumqayıt Dövlət Dram Teatrında çalışanlardan - yaradıcılıq şöbəsinin müdiri Xalq artisti Firudin Məhərrəmov, əməkdar artist Nuriyeva Sədaqət və aktyor Habil Xanlarov isə Azərbaycan Respublikası Prezidentinin mükafatına layiq görülüblər.
