Sumqayıt sakinləri qəzaya uğrayıblar. Sumqayıt24 bu haqda 25 iyul tarixində Report.az-a istinadən xəbər verir.
Hadisə Bakı-Quba-Rusiya ödənişli avtomobil yolunun Xaçmaz rayonundan keçən hissəsində baş verib. "Chery", "Kia" və "Chevrolet" markalı minik avtomobilləri toqquşub. Qəza nəticəsində Sumqayıt sakinləri: 14 yaşlı Aylin Sərdarlı, yaşıdı Əli Ömər, 18 yaşlı Məryəm Əliyeva və Bakı sakinləri: 31 yaşlı Gülgün Rəfiyeva, 9 yaşlı Fatimə Rəfizadə, 72 yaşlı Güldəstə Hüseynova, 34 yaşlı Güldəstə Hüseynova, 45 yaşlı Ədibə Huseynova müxtəlif dərəcəli xəsarətlər alıblar.
Yaralılar tibbi yardımdan sonra yaşayış ünvanları üzrə həkim nəzarətinə göndəriliblər. Onların Şimal bölgəsinə istirahətə getdikləri bildirilir.
Qəza yerinə hüquq-mühafizə orqanlarının əməkdaşları cəlb ediliblər, zəruri istintaq tədbirləri görülür.
