Tanınmış aparıcı televiziya proqramında sahibsiz itlərlə bağlı hadisəni bölüşüb. Bu haqda 13 mart tarixində Sumqayıt24 Ölkə.az-a istinadən məlumat verir.
"Xəzri küçəsi, 21H ünvanında yaşayıram. Corat qəsəbəsindəki evimə gedəndə 40 dəqiqə maşından düşmədim. Çünki 20 quduz it dayanmışdı. İnanın ki, maşından düşsəydim, məni parçalayardılar. Bilmirdim, nə edim", – bu sözləri "Xəzər axşamı" verilişinin aparıcısı Mətanət Əliverdiyeva deyib.
O, aidiyyəti qurumlardan yardım istəyib:
"Tıxacla gedib 11-ə işləmiş Corata çatmışam. Bir saat da maşında gözləmişəm. Aidiyyəti qurumlardan çox xahiş edirəm ki, bir tədbir görsünlər. İki ildir, o ərazidə yaşayıram, amma bu qədər iti bir yerdə görməmişdim. Heyvanların qətlinin qəti əleyhinəyəm. Başa düşürəm, bəlkə də acdırlar. Bir-ikisi olsa, özünü qorumaq olar. Son zamanlarda itlərin uşağa hücumunu da gördüm, dəhşətli dərəcədə qorxdum".
