2026-cı ilin iyun ayında Bakı və Abşeron yarımadasında havanın orta aylıq temperaturu 24 dərəcə isti olub ki, bu da iqlim normasından 1 dərəcə yüksəkdir.
Sumqayit24.az xəbər verir ki, bu barədə Milli Hidrometeorologiya Xidmətinin rəisi Nazim Mahmudov məlumat verib.
Onun sözlərinə görə, Bakı və Abşeron yarımadasında maksimal hava temperaturu iyunun 19-da məhz Sumqayıtda 37 dərəcə isti qeydə alınıb. Bölgələr üzrə isə ən yüksək göstərici iyunun 20-də Culfada 40 dərəcə isti olub.
Nazim Mahmudov bildirib ki, ay ərzində Bakı və Abşeron yarımadasında havanın temperaturu 21 gün iqlim normasından 1-7 dərəcə yüksək, 9 gün isə normadan 0-2 dərəcə aşağı olub.
Bununla yanaşı, iyun ayında Bakı və Abşeron yarımadasında bəzi günlərdə yağıntılı hava şəraiti müşahidə edilib.
Həmçinin ay ərzində Bakı və Abşeron yarımadasında 6 gün küləkli hava qeydə alınıb, küləyin maksimal sürəti isə 28 metr/saniyəyədək güclənib.
