Sumqayıt Tibb Mərkəzində (STM) yeni şöbə müdiri təyin olunub. Bu haqda 2 avqust tarixində Sumqayıt24 STM-ə istinadən məlumat verir.
Oftalmoloq cərrah, professor Sevinc Əsgərova STM-in 2 nömrəli Xəstəxanasının Oftalmologiya şöbəsinin müdiri vəzifəsini icra edəcək.
S. Əsgərova 2005-ci ildən göz xəstəlikləri üzrə tibb elmləri doktorudur. 2016-2023-cü illərdə N. İ. Piroqov adına Rusiya Milli Tədqiqat Tibb Universitetinin baş elmi işçisi, professoru olub. Rusiya Təbiətşünaslıq Elmləri Akademiyasının akademikidir. Hippokrat və V. İ. Vernadski adına qızıl medallarla təltif edilib. O, 18 ixtira patentinin, 15 səmərələşdirici təklifin, 140-dan çox elmi məqalə və tezisin müəllifidir.
Bir sıra cəmiyyətlərin həqiqi və fəxri üzvüdür.
