G
Xəbərlərimizi Google-da izləyin
Yeniliklərdən dərhal xəbərdar olun
Abunə ol
Ötən həftə Sumqayıt şəhəri, 39 nömrəli tam orta məktəbdə geyim qaydaları ilə bağlı yaranan narazılıq valideynlərin ciddi etirazına səbəb olmuşdu.
Onlar bildirirdilər ki, geyimlə bağlı vahid standart olsa da, bu məktəbin öz daxili qaydaları var: qız uşaqlarına ümumi məktəb formalarına daxil olan şalvarı geyinmək qadağandır.
"Qanuna" uymayaraq şalvar geyinən uşaqlar isə dərsdən kənarlaşdırılır və həmin gün üçün onlar üçün "qayıb" yazılır.
Məsələ işıqlandırıldıqdan sonra Sumqayit24.az redaksiyasına müraciət edən valideynlər digər təhsil ocaqlarında, daha dəqiq desək 3, 21, 22, 29 və 31 nömrəli tam orta məktəblərdə oxuyan uşaqların da analoji problemlə üzləşdiklərini iddia ediblər.
Onların iddiasına görə, sözügedən təhsil ocaqlarının rəhbərliyi özbaşınalıq edir və Elm və Təhsil Nazirliyinin təsdiqlədiyi formaya qadağa qoyur.
Məsələ ilə bağlı Abşeron-Xızı Regional Təhsil İdarəsinə sorğu ünvanlanıb.
