Azərbaycanda nəqliyyat sisteminin inkişafı və bölgələrarası əlaqələrin yaxşılaşdırılması daim gündəmdədir.
Baku.ws-in məlumatına görə, son illərdə ölkədə dəmir yollarının modernləşdirilməsi istiqamətində bir sıra layihələr həyata keçirilsə də, bəzi az sərnişinli xətlər hələ də aktiv istifadə olunmur.
Nəqliyyat eksperti Rauf Ağamirzəyev rels avtobuslarının tətbiqi, onların bölgələrarası mobilik və sosial əlçatanlıq baxımından əhəmiyyətini diqqətə çatdırıb.
Onun fikrincə, bu yüngül dizel qatarları az sərnişin axını olan, qısa məsafəli dəmir yolu xətləri üçün ideal nəqliyyat vasitəsidir:
"Rels avtobuslarının üstünlükləri çoxsaylıdır: onlar 1-2 vaqondan ibarət olaraq ucuz və səmərəli işləyir, mühərrik gücü 300–700 kVt arasında dəyişir, sürətləri 80–120 km/saat, texniki xidməti sadədir və iri depo tələb etmir. Az sərnişinli bölgələr üçün bu nəqliyyat forması sosial və iqtisadi cəhətdən böyük üstünlüklər təqdim edə bilər".
Yüksək sərnişin axını əsasən Bakı və Abşeron dairəsində cəmləşib, bir çox rayonlararası xətlər aktiv istifadə olunmur və yeni texnika üçün xüsusi xidmət bazası və ehtiyat hissələri tələb olunur. Həmçinin, "Azərbaycan Dəmir Yolları" hazırda elektrikləşmiş və müasir şəhərətrafı sistemlərə üstünlük verir".
Rauf Ağamirzəyev mümkün marşrutları da diqqətə çatdırıb. Ekspert onların arasına mümkün Sumqayıt – Xaçmaz marşrutunu da əlavə edib.
"Rels avtobusları bərpa olunan, lakin az sərnişinli dəmir yolu xətlərinin dirçəldilməsi üçün real alternativdir və tətbiqi bölgələrdə həm sosial mobilliyi, həm də nəqliyyat əlçatanlığını artıra bilər", - deyə o, qeyd edib.
