Sumqayıt şəhəri ərazisində yeni zibil qutuları quraşdırılıb.
Sumqayit24.az-ə məlumat verən sakinlərin sözlərinə görə, Nəsimi adına Mədəniyyət və İstirahət parkında və yaxınlığında yerləşən xiyabanda zibil qutularının az olması xüsusilə istirahət günlərində narahatlıq yaradırdı. Ziyarətçilər tullantıları atmaq üçün uzun məsafə qət etməli olur, bəzi hallarda isə ətraf mühitin çirklənməsi müşahidə edilirdi.
Quraşdırılan yeni zibil qutularının təmizliyin qorunmasına və ziyarətçilərin rahatlığına müsbət təsir göstərəcəyi gözlənilir.
Sakinlər ümid edirlər ki, bu təcrübə şəhərin digər, insanların sıx istifadə etdiyi ərazilərində, park və xiyabanlarında da tətbiq olunacaq. Onların fikrincə, zibil qutularının sayının artırılması həm şəhərin görünüşünə, həm də ekoloji vəziyyətə müsbət təsir göstərər.
