Özbəkistanın “Uzkimyosanoat” SC-nin İdarə Heyətinin sədri Yevgeni Korjikov Sumqayıtda olub. Bu barədə 24 dekabr tarixində Sumqayıt24 xəbər verir.
Sumqayıt Kimya Sənaye Parkında onun İqtisadi Zonaların İnkişafı Agentliyinin (İZİA) İdarə Heyətinin sədri Elşad Nuriyevlə görüşü baş tutub.
Görüşdə sənaye zonaları və aqroparklar, sahibkarlar üçün mövcud investisiya imkanları barədə məlumat verilib, sənaye zonaları və aqroparkların təqdimatı nümayiş etdirilib. Müxtəlif əməkdaşlıq məsələləri müzakirə olunub.
Sonda qonaq Sumqayıt Kimya Sənaye Parkında görülmüş işlərlə, onun rezidenti “SOCAR Polymer” MMC-nin fəaliyyəti ilə tanış olub.
Qeyd edək ki, “Uzkimyosanoat” SC-nin tərkibində fəaliyyət göstərən sənaye müəssisələrində 170-dən çox kimyəvi maddə istehsal olunur.
