Milli Qəhrəman general-mayor Polad Həşimovun oğlu möhtəşəm nəticə göstərib. Sumqayıt24 bu haqda 5 avqust tarixində xəbər verir.
Davud Həşimov 4 xarici ölkədə yerləşən 7 universitetdən qəbul alıb. O, uşaqlıqdan kompüter sahəsinə maraqlı olduğunu, 8-9-cu siniflərdən bu peşəyə yiyələnmək üçün çalışdığını bildirib:
“Artıq 3 ildir ki, xarici universitetlərə hazırlaşırdım. Qəbul xəbəri alanda sevinc hissi keçirdim. Atamın ruhu qarşısında ona bir borcumu ödəmiş oldum. Bu uğuru qazandığıma görə ən çox anama və atama borcluyam. Atam mənə bu yolu göstərib. Onun ruhunun qarşısında baş əyirəm”.
Qeyd edək ki, Davudun kompüter mühəndisliyi üzrə təhsil alması şəhid generalımızın arzusu olub. Gənc növbəti tədris ilindən etibarən ABŞ-nin Perdyu Universitetində təhsil alacaq.
