Sumqayıtda Zəfər Gününün ikinci ildönümünə həsr olunmuş təntənəli mərasim keçirilib. Sumqayıt24 bu barədə 3 noyabr tarixində Daxili İşlər Nazirliyinin mətbuat xidmətinə istinadən xəbər verir.
Tədbir DİN-in Sumqayıt şəhərində yerləşən hərbi hissəsində baş tutub. Burada Vətən müharibəsində iştirak etmiş DİN-in hərbi qulluqçuları, polis əməkdaşları, şəhidlərin ailə üzvləri, veteranlar, həmçinin nazirliyin yüksək rütbəli baş idarə rəisləri iştirak ediblər.
Mərasimin əvvəlində şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib. Çıxış edənlər Vətən müharibəsində qələbəyə gedən yolda döyüşən DİN-in hərbi qulluqçularının və polis əməkdaşlarının şərəfli yol keçdiyini vurğulayıblar. Qeyd olunub ki, döyüş tapşırıqlarını icra edərkən adıçəkilən nazirliyinin 66 əməkdaşı şəhid olub, 346 nəfər isə yaralanıb.
Tədbir şəxsi heyətin tribuna önündən təntənəli keçidləri ilə başa çatıb.
