Novxanıda qarğıdalı satan şəxs tutulub. Sumqayıt24 bu haqda 16 avqust tarixində Qaynarinfo.az-a istinadən xəbər verir.
Hadisə "Amore" restoranının yaxınlığında baş verib. Çimərlikdə dincələn C.B. adlı qadın paltarlarını və çantasını qumun üzərində qoyaraq dənizə girib. Qayıtdıqda isə çantanın açıq, paltarların dağınıq olduğunu və mobil telefonunun oğurlandığını görüb.
Hüquq-mühafizə orqanları araşdırma aparıblar. Nəticədə cinayətin 37 yaşlı Sumqayıt sakini M.V. tərəfindən törədildiyi müəyyən edilib. Onun ərazidə qarğıdalı satdığı bildirilir.
Məhkəmənin qərarı ilə kişi 1 ay 10 günlük həbs olunub.
