Sumqayıtda fəaliyyət göstərən müntəzəm avtobus marşrutları müsabiqəyə çıxarılır.
Sumqayit24.az-a bu barədə Azərbaycan Yerüstü Nəqliyyat Agentliyindən (AYNA) məlumat verilib. Bildirilib ki, qurum Sumqayıt şəhəri üzrə 15 və 20 nömrəli şəhərdaxili, eləcə də Sumqayıt–Kürdəmir, Saatlı–Sumqayıt və İmişli–Sumqayıt istiqamətlərində avtobus marşrutlarını müsabiqəyə çıxarır.
Sənədlər 22 iyul 2026-cı il saat 17:00-dək AYNA-da qəbul ediləcək.
Qeyd edək ki, müsabiqəyə əsas avtobuslarla yanaşı, ehtiyat nəqliyyat vasitələri də təqdim olunmalıdır.
İddiaçıların təkliflərinə komissiya tərəfindən 5, 7, 14 və 18 avqust tarixlərində baxılacaq.
Lotlar üzrə marşrutların qrafikləri haqqında məlumatı buradan əldə edə bilərsiniz.
