Sumqayıtda "İnsan alverinin qurbanına çevrilməyək" adlı maarifləndirici tədbir keçirilib. Sumqayıt24 bu barədə 13 oktyabr tarixində Sumqayit.tv-yə istinadən xəbər verir.
"İnsan alverindən əziyyət çəkən yetkinlik yaşına çatmayanların təhsili, sosial-psixoloji reabilitasiyası və ailələrinin maarifləndirilməsi" mövzusunda keçirilən görüş 2 saylı tam orta məktəbdə baş tutub. Tədbirin təşkilində məqsəd, tarixin hər dönəmində bəşəriyyət üçün bəlaya çevrilmiş insan alverinin qurbanına çevrilməmək və həssas qrupa aid olan şəxsləri bu təhlükədən uzaq tutmaq olub. Burada uşaqların belə xoşagəlməz vəziyyətlə qarşılaşdığı halda, dərhal DİN-in 102 və ya "Azərbaycan Uşaq Qaynar Xətt" xidmətinə 116111-ə müraciət etmələrinin vacibliyi vurğulanıb. Sonda mövzu ilə bağlı flayerlər və videoçarxlar göstərilib.
