Saray qəsəbəsində qazla bağlı problemlər yaşanır.
Sumqayit24.az-a bununla bağlı çoxsaylı şikayətlər daxil olur. "Saray-H" MTK yaşayış kompleksində yaşayan sakinlərin sözlərinə görə, binalarda sutkanın bütün saatlarında qazın təzyiqi olduqca aşağıdır.
Nəticədə minlərlə vətəndaş qışın oğlan çağında mənzillərini normal şəkildə isidə, məişət məqsədləri üçün isə qazdan istifadə edə bilmir.
Problemin ötən həftədən bəri davam etməsinə baxmayaraq, məsul qurumlar heç bir tədbir görmür.
