Saray körpüsü ətrafında aparılan təmir işlərinin uzanması sürücüləri artıq bezdirib.
Bəs bu körpü ətrafında son vəziyyət necədir?
Bildirilib ki, Sumqayıt şəhərini Saray qəsəbəsi ilə birləşdirən Məhəmməd Əsədov küçəsində, dəmir yolu xətti və Samur–Abşeron kanalı üzərində yerləşən yeni körpüyə aparan yanaşma yollarının genişləndirilməsi işləri davam etdirilir.
Layihə çərçivəsində mövcud yolların eni artırılaraq hər istiqamət üzrə iki zolaq olmaqla ümumilikdə 4 hərəkət zolaqlı yola çevrilir. Hazırda istinad divarının alt hissəsində svay vurma işləri tamamlanıb. Paralel olaraq, istinad divarlarının inşası və uçqun riski olan ərazilərdə dolğu işləri həyata keçirilir. Bu mərhələnin başa çatmasından sonra mövcud asfalt örtüyünün frezlənməsi, yeni asfalt örtüyünün döşənməsi və piyada səkilərinin tikintisi işlərinə başlanılacaq.
Əraflı Den.az-ın süjetində.
