Saray qəsəbəsində məktəbdə idman müəlliminin şagirdi döydüyü iddia olunur.
Sumqayit24.az-a daxil olan məlumata görə, 1 nömrəli tam orta məktəbdə 5-ci sinif şagirdi Cahid Məcidzadə Fəqan adlı idman müəlliminin fiziki zorakılığına məruz qalıb.
Valideyn iddia edir ki, məktəbin direktoru Asəf müəllim hadisəni gizlətməyə çalışıb və uşağa evdə deməməsi üçün hədə-qorxu gəlib.
Məsələ ilə bağlı Sumqayit24.az-a Abşeron-Xızı Regional Təhsil İdarəsindən bildirildi ki, ilkin araşdırma zamanı müəllim tərəfindən "Təhsilverənlərin etik davranış qaydaları"nın pozulduğu müəyyən edilib. Bu səbəbdən onun barəsində intizam tənbehi tədbiri görülüb. Hadisə ilə bağlı hüquq-mühafizə orqanları tərəfindən araşdırma aparılır.
"Bildiririk ki, ümumi təhsil müəssisələrində təlim-tədris prosesi ilə yanaşı, şagirdlərin təhlükəsizliyi və daxili nizam-intizam qaydalarına riayət olunmasına nəzarət daim diqqət mərkəzində saxlanılır və bu istiqamətdə zəruri tədbirlər görülür", - məlumatda deyilir.
