Saray qəsəbəsində yerləşən "Saray-H" MTK kompleksinin sakini ərazidə piyadaların təhlükəsizliyinin təmin edilməməsindən şikayətlənir.
Sumqayit24.az-a müraciət edən vətəndaş bildirib ki, Məhəmməd Əsədov küçəsində asfaltlanma və xətlənmə işləri aparılıb. Lakin qəsəbəni Bakı ilə əlaqələndirən 508 nömrəli marşrut xəttinin son dayanacağının önündə piyada səkisi çəkilməyib:
"Buna görə adamlar özlərini təhlükəyə atmalı, sürətlə hərəkət edən avtomobillərin arasından keçməli olurlar. Bir müddət öncə həmin yolda qadını maşın vurub. Həmçinin dünən uşaqla anasını da az qalsın avtomobil vururdu. Tədbirlər görülməsə, faciələrin davamı gələ bilər".
