Sumqayıt Dövlət Universitetində (SDU) "Sumqayıtlı gənc elçilər: Qərbi Azərbaycana qayıdış" mövzusunda konfrans baş tutub.
Sumqayit24.az xəbər verir ki, tədbirdə elm və təhsil nazirinin müavini Firudin Qurbanov, Sumqayıtın icra başçısı Zakir Fərəcov, Qərbi Azərbaycan İcmasının rəhbər şəxsləri və üzvləri, deputatlar, universitetin professor-müəllim heyəti və tələbələr iştirak ediblər.
Konfrans çərçivəsində çıxış edənlər Qərbi azərbaycanlıların yurdlarına qayıdış istiqamətində görülən işlərdən danışıblar.
Tədbirdə Ulu Öndər Heydər Əliyev və Prezident İlham Əliyevin Qərbi Azərbaycanla bağlı çıxışlarını əhatə edən videoçarx nümayiş olunub.
Panel müzakirələrdə millət vəkilləri Əziz Ələkbərli, Hikmət Babaoğlu, Məlahət İbrahimqızı, Şahin İsmayılov və professor Mahirə Nağıqızı müxtəlif aspektlər üzrə Qərbi Azərbaycana qayıdış məsələsini müzakirə edərək gənclərin suallarını cavablandırıblar.
Tədbir ədəbi-bədii kompozisiyalarla yekunlaşıb.
