SDU-da sənəd qəbulu onlayn aparılacaq

Sumqayıt Dövlət Universitetinə (SDU) qəbul olan abituriyentlərin sənəd qəbulunun müddəti açıqlanıb.

Sumqayıt24 xəbər verir ki, qəbul 28 avqust-6 sentyabr tarixlərində onlayn formada aparılacaq.

Cari tədris ilində SDU-nun bakalavriat səviyyəsinə qəbul olmuş şəxslər https://portal.edu.az portalına daxil olub, “Ali və orta ixtisas təhsili müəssisələrinə təhsilalan qeydiyyatı” xidmətini seçməklə onlayn formada qeydiyyatdan keçməlidirlər.

Onlayn formada qeydiyyat zamanı tələb olunan sənədlərin siyahısı:

• Hərbi biletin (hərbi xidmətdə olmayanlar üçün çağırışçı vəsiqəsinin) surəti;


• Təhsil haqqından azad olan imtiyazlı şəxslər üçün müvafiq sənədlərin surətləri;


• Şəxsiyyəti təsdiq edən sənədin 3 ədəd surəti;


• Tam orta təhsili başa vurma haqqında sənəd (attestatın əsli) (subbakalavrlar üçün diplomun notarial qaydada təsdiq olunmuş surəti və ya arayış);


• Hərbi bilet və ya çağırış məntəqəsinə təhkim edilmə haqqında sənəd - ağ bilet (oğlanlar üçün);


• 4 ədəd 3x4 sm ölçülü rəngli fotoşəkil;


• Tibbi arayış (Yalnız “Fiziki tərbiyə və çağırışaqədərki hazırlıq müəllimliyi” ixtisasına qəbul olmuş abituriyentlər üçün tələb olunur);


• Təhsil haqqı ödənişindən azad olunan imtiyazlı tələbələrin müvafiq sənədləri notarial qaydada təsdiq olunmuş surətləri.

Əlaqə nömrəsi: (018) 642-20-33.

İmtiyazlarla bağlı: (050) 554-25-39 (Baş hüquqşünas).

Qeyd: Ödənişli əsaslarla təhsil alacaq tələbələr illik təhsil haqqının minimum yarısını ödəməlidirlər.