Sumqayıt Dövlət Universitetində(SDU) vətəndaş qəbulu keçirilib.
Sumqayit24.az xəbər verir ki, qəbul zamanı vətəndaşların müraciətləri dinlənilib, onları maraqlandıran məsələlər ətrafında fikir mübadiləsi aparılıb.
Qəbulda ümumilikdə 21 vətəndaş iştirak edib. Müraciətlər əsasən təhsil, sosial və təşkilati məsələləri əhatə edib. Səsləndirilən təklif və müraciətlər aidiyyəti istiqamətlər üzrə qeydə alınaraq mövcud səlahiyyətlər çərçivəsində araşdırılması üçün nəzarətə götürülüb.
Qəbul zamanı qazilərlə də görüş keçirilib. Onların müraciətlərinə xüsusi həssaslıqla yanaşılıb, sosial həssas kateqoriyadan olan vətəndaşların qaldırdıqları məsələlərin prioritet qaydada dəyərləndiriləcəyi bildirilib.
Universitet rəhbərliyi tərəfindən vətəndaş müraciətlərinə operativ baxılması, açıq kommunikasiya mühitinin formalaşdırılması və ictimai həssaslıq tələb edən məsələlərə diqqətlə yanaşılmasının institusional fəaliyyətin əsas istiqamətlərindən biri olduğu qeyd edilib.
