Dünyanın 106 ölkəsindən 8808 universitetin qiymətləndirildiyi və yalnız 1504 ali təhsil müəssisəsinin yer aldığı QS Dünya Universitetləri Reytinqi 2027 nəticələrinə əsasən, Sumqayıt Dövlət Universiteti (SDU) 1001–1200-cü pillədəki mövqeyini qoruyaraq inkişaf dinamikasını davam etdirib.
Universitet Azərbaycanın ali təhsil müəssisələri arasında 8-ci yerdə qərarlaşıb. Eyni zamanda, SDU regional universitetlər arasında QS reytinqinə daxil olan yeganə ali təhsil müəssisəsidir.
SDU "Müəllim–tələbə nisbəti" göstəricisi üzrə dünyanın TOP 53 universiteti sırasında yer alıb və bu göstəriciyə görə Azərbaycanda 1-ci olub.
Bundan əlavə, universitet "Akademik reputasiya" və "İşəgötürənlər arasında reputasiya" göstəriciləri üzrə dünyanın ilk 701+ universitet qrupu sırasında qərarlaşıb.
Son bir il ərzində universitetin:
Məzunların məşğulluq göstəricisi yüksəlib;
İşəgötürənlər arasında reputasiyası artıb;
Beynəlxalq tədqiqat şəbəkəsi genişlənib;
Xarici müəllim və tələbələrin sayı çoxalıb.
Sumqayıt Dövlət Universiteti beynəlxalq akademik məkanda mövqeyini daha da möhkəmləndirərək qlobal təhsil məkanında yeni uğurlara imza atmağı davam etdirir.
