Bu gün Sumqayıt Dövlət Universitetindən məzun olmuş şəhidimizin doğum günüdür.
Əsgərov Ələsgər Zakir oğlu 1997-ci il may ayının 12-də Naxçıvan şəhərində anadan olub. Ələsgər Əsgərov orta təhsilini Naxçıvan şəhəri Hüseyn Cavid adına 5 saylı orta məktəbində aldıqdan sonra Sumqayıt Dövlət Universitetinə qəbul olub. Subay idi.
Əsgərov Ələsgər Azərbaycan Respublikasının Silahlı Qüvvələri tərəfindən 19 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xocavənd istiqamətində gedən döyüşlərdə şəhid olub.
Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Daxili İşlər Nazirliyinin Əlahiddə Çevik Polis alayının qulluqçusu Ələsgər Əsgərov Azərbaycan Respublikasının Prezidenti İlham Əliyevin sərəncamına əsasən "Vətən uğrunda" medalı ilə təltif edilib.
