Sumqayıt Dövlət Universitetinin (SDU) əməkdaşı beynəlxalq layihədə yer alıb.
Sumqayıt24 xəbər verir ki, Karyera və Məzunlarla İş Mərkəzinin mütəxəssisi Aynur Yusubova “Get in Contact with the Youth” adlı beynəlxalq layihədə iştirak hüququ qazanıb. Layihə çərçivəsində Trebnitz Schloss-da təşkil olunan “Gənclərlə təmasda olun” düşərgəsində polşalı və almaniyalı gənclərin iştirak etdiyi yay proqramı təşkil edilib. Proqramda iştirakçılara incəsənət, idman, rəqs, üzgüçülük, oyun və muzey ziyarətləri kimi müxtəlif fəaliyyətlər təqdim olunub. Düşərgənin əvvəlində könüllülər 3 günlük seminarda pedaqoji və mədəniyyətlərarası bacarıqlar üzrə təlim alıb və uşaqlarla işləmək üçün qeyri-formal təhsilin iş üsulları ilə tanış olublar.
Qeyd edək ki, Trebnitz Schloss Təhsil və Mübadilə Mərkəzi əsasən Polşa və Şərqi Avropa ilə beynəlxalq mübadilə layihələrinə yönəlmiş siyasi-mədəni profilə malik təhsil müəssisəsidir.
