Xəbər verdiyimiz kimi, Nurəli Adil oğlu Yusifbəyli Sumqayıt Dövlət Universitetinin rektoru təyin edilib.
Sumqayit24.az yeni rektorun dosyesini təqdim edir:
Nurəli Yusifbəyli 28 mart 1963-cü ildə anadan olub. 1980-ci ildə Kiyev Politexnik İnstitutunun Elektroenergetika fakültəsinə daxil olub, 1986-cı ildə "Elektrik sistemlərinin kibernetikası" ixtisası üzrə bitirib.
1986-2002-ci illərdə energetika sahəsində çalışaraq Sumqayıt İEM-də və "Azərenerji" ASC-də müxtəlif vəzifələrdə, o cümlədən Mərkəzi Dispetçer Xidmətinin rəisi, baş dispetçer və baş mühəndisin müavini olub. 2009-2012-ci illərdə "Azərenerji" ASC "Azərbaycan Elmi-Tədqiqat və Layihə Axtarış Energetika İnstitutu"nun direktoru vəzifələrində çalışıb.
2012-ci ildən İqtisadiyyat və Sənaye Nazirliyində müxtəlif vəzifələrdə fəaliyyət göstərib. 2015-ci ildə Alternativ və Bərpa Olunan Enerji Mənbələri üzrə Dövlət Agentliyi sədrinin müavini təyin edilib, 2020-ci ildə vəzifədən azad olunub.
2021-ci il 18 yanvar tarixindən Azərbaycan Texniki Universitetinin tədris işləri üzrə prorektoru olub.
Texnika elmləri doktoru, professordur, 8 kitab, 4 müəlliflik şəhadətnaməsi, 1 dərs vəsaiti, 3 patent, 3 Azərbaycan Standartı və 170-dan çox elmi əsərin müəllifidir.
Əməkdar mühəndis və əməkdar elm xadimi fəxri adlarına layiq görülüb.
Ailəlidir, iki övladı var.
