Sumqayıtda “Əsaslı Dizayn Metodu ilə Sahibkarlıq və Yeni Biznesin İnkişafı” proqramı keçiriləcək.
Sumqayıt24 xəbər verir ki, layihə Sumqayıt Dövlət Universiteti və SABAH.Academy tərəfindən təşkil olunacaq. Məqsəd SDU-nun II və III kurs tələbələrində innovativ düşüncə, startap, dizayn, sahibkarlıq və məhsul inkişafı üçün vacib olan hərtərəfli bacarıqları formalaşdırmaqdır.
Proqram həftədə 2 dərs olmaqla 15 həftə davam edəcək. Dərslər Türkiyənin aparıcı ali təhsil müəssisələrinin, innovasiya mərkəzlərinin mütəxəssisləri tərəfindən keçiriləcək. Tələbələr, həmçinin ölkədə inkişaf edən biznes inkubasiya, akselerasiya və texnoparklara inteqrasiya olunmaq, bu istiqamətlərdə ən qabaqcıl universitetlərin tələbələri ilə şəbəkə qurmaq imkanı qazanacaqlar.
Proqrama qatılmaq istəyən SDU tələbələri sentyabrın 14-dək link vasitəsilə qeydiyyatdan keçə bilərlər.
