Somali Federativ Respublikasının xarici işlər və beynəlxalq əməkdaşlıq naziri Ahmed Moallim Fiqi Sumqayıta səfər edib. Bu haqda 29 iyul tarixində Sumqayıt24 xəbər verir.
Nazir Sumqayıt Kimya Sənaye Parkının fəaliyyəti (SKSP) ilə tanış olub. Azərbaycanın Efiopiyadakı səfiri Ruslan Nəsibovun iştirak etdiyi görüş çərçivəsində sənaye sahəsində qarşılıqlı maraq doğuran məsələlər müzakirə olunub, sənaye zonası modelinin tətbiqinin üstünlükləri diqqətə çatdırılıb.
Sonda qonaqlar Sənaye Parkının rezidenti “Azerfloat” QSC-nin vərəqə şüşə istehsalı müəssisəsini ziyarət ediblər.
