Ötən gün Sumqayıtın Corat qəsəbəsində 27 yaşlı qadının döyülməsi və üzərinə sulfat turşusu atılması hadisəsinin təfərrüatlarını APA yayıb.
Məlum olub ki, hadisəni qadının əri ailə münaqişəsi zəminində törədib. Belə ki, Teymur Heydərli ilk öncə 52 yaşlı qayınanası S. Rüstəmovanı və həyat yoldaşı Nərmini döyüb və onlara xəsarətlər yetirib. Bundan sonra isə Nərminin üzərinə "kislota" atıb.
Nəticədə, hər iki zərərçəkmiş şəxs Sumqayıt Təcili Tibbi Yardım Xəstəxanasına yerləşdiriliblər. Burada, Rüstəmovaya qapalı beyin travması və silkələnməsi, N. Heydərovaya isə qapalı kəllə beyin travması, baş beyin silkələnməsi, döş qəfəsi və sinə nahiyəsinin 1 və 2-ci dərəcəli kimyəvi yanıq diaqnozu qoyulub.
Bədəninin 20 faizi yanan Heydərovanın vəziyyəti ağır olduğundan o, Bakı Yanıq Mərkəzinə göndərilib.
