"Sumqayıtda yeni avtobus marşrut xətti istifadəyə veriləcək".
Sumqayit24.az xəbər verir ki, bu barədə sosial şəbəkələrdə məlumat yayılıb.
Məlumata əsasən, 12 noyabr tarixindən 500 nömrəli marşrut xətti fəaliyyətə başlayacaq. Sözügedən nəqliyyat vasitəsinin Bakı şəhəri "20 Yanvar" metrostansiyasından Sumqayıt şəhəri istiqamətində, Ceyranbatan qəsəbəsindən keçməklə fəaliyyət göstəriləcəyi bildirilir.
"Daşıyıcı şirkət BakuBus MMC olacaq. Xətt üzrə BMC Procity CNG markalı 18 metrlik (4 qapılı) avtobuslar fəaliyyət göstərəcək", - deyə sosial şəbəkələrdə yayılan məlumatlarda öz əksini tapıb.
Məsələ ilə bağlı BakuBus MMC-dən Sumqayit24.az-a bildirildi ki, yeniliklərə dair ətraflı məlumat rəsmi sosial media platformaları vasitəsilə ictimaiyyətin diqqətinə çatdırılır.
Bir sözlə, yeni avtobus fəaliyyətə başlasa, ətraflı məlumat veriləcək.
