"Sumqayıt Bulvar” MMC-nin elan etdiyi tenderin qalibi açıqlanıb.
Sumqayit24.az xəbər verir ki, dənizin səviyyəsinin enməsi səbəbindən üzə çıxan bərk məişət tullantılarının ərazidən yığılması, daşınması və zərərsizləşdirilməsi işlərinin satınalınması ilə bağlı müsabiqəni "VEDİBASAR İNŞAAT" MMC qazanıb. Qalib şirkətə 65.863,82 AZN veriləcək.
Tenderə əsasən, tullantı zibillərinin ekskavatorla toplanması, tullantı zibilinin ekskavatorla yüklənməsi və 15 km məsafəyə daşınması, torpağın ekskvatorla qazılması və maşınlara yüklənməsi, torpağın 2 km məsafəyə daşınması, torpağın töküldüyü yerdə buldozerlə hamarlanması kimi işlər görülməlidir.
