Futbol üzrə Misli Premyer Liqasının 2025/2026 mövsümündə 500-cü qol vurulub.
Sumqayit24.az xəbər verir ki, yubiley qol 33-cü turun "Sumqayıt" - "Qarabağ" görüşünə təsadüf edib. Yeddi qolun qeydə alındığı qarşılaşmada Ağdam komandası 4:3 hesabı ilə qalib gəlib.
Mövsümün 500-cü qoluna "Sumqayıt"ın futbolçusu Rüstəm Əhmədzadə imza atıb. Bu göstərici çempionatın 195-ci oyununda qeydə alınıb.
Maraqlıdır ki, Azərbaycan çempionatları tarixində mövsüm ərzində qol sayının 500-ə çatması sonuncu dəfə 21 il əvvəl – 2004/2005 mövsümündə (ümumi 684 qol) yaşanıb.
Sonrakı bütün çempionatlarda ümumi qol sayı bu həddə çatmayıb.
