Bu il Sumqayıt Kimya Sənaye Parkında 2 müəssisənin fəaliyyətə başlaması planlaşdırılır. Bu haqda 17 iyul tarixində Sumqayıt24 Report.az-a istinadən məlumat verir.
Sənaye parkında ümumi investisiya dəyəri 39,2 milyon manat olan "Kartaş Kimya" MMC-nin tikinti kimyəvilərin, "Az-Tex-Import" MMC-nin "IVECO" markalı az, orta və iritonnajlı yük avtomobillərinin istehsalı müəssisələrinin fəaliyyətə başlaması nəzərdə tutulur.
"Kartaş Kimya" MMC-də tikinti kimyəvilərinin istehsalı ilə yanaşı, ölkə ərazisində ilk dəfə olaraq müxtəlif təyinatlı su izolyasiya materiallarının və zəmin döşəmə məhsullarının istehsalı da nəzərdə tutulur.
İnvestisiya dəyəri 19,2 milyon manat olan "Az-Tex-Import" MMC-də 90 nəfər daimi işlə təmin olunacaq. İl ərzində 100 ədəd avtomobilin istehsal olunacağı müəssisənin məhsulları daxili bazarda satılmaqla yanaşı, Rusiya, Gürcüstan, Türkmənistan və İrana ixrac ediləcək.
