Sumqayıtın yığma məktəbli komandası "Breyn Rinq" intellektual yarışının regional seçim mərhələsində uğurlu çıxış edərək qalib olub.
Sumqayit24.az xəbər verir ki, komanda bu qələbə sayəsində həm Sumqayıt şəhərini, həm də yerləşdiyi regionu "İctimai" Televiziyada (İTV) yayımlanacaq "Breyn Rinq" yarışında təmsil etmək hüququ qazanıb.
Qeyd edək ki, "Breyn Rinq" məktəblilər arasında keçirilən ən nüfuzlu intellektual yarışlardan biri hesab olunur. Regional mərhələdə qalib gələn komandalar televiziya mərhələsində bilik və məntiq bacarıqlarını nümayiş etdirərək çempionluq uğrunda mübarizə aparırlar.
