Azərbaycanda orta ixtisas təhsili müəssisələrinə qəbulun nəticələri bəzi kolleclərə marağın zəiflədiyini göstərir.
Sumqayit24.az xəbər verir ki, bu barədə Dövlət İmtahan Mərkəzinin (DİM) "Abituriyent" jurnalının 12-ci nömrəsində dərc olunan "2025-ci il tələbə qəbulu və ümumi təhsil müəssisələri üzrə buraxılış imtahanlarının nəticələrinə dair elmi-statistik materiallar"da məlumat verilib.
Belə ki, ümumi orta təhsil bazasında qəbul aparılan orta ixtisas təhsili müəssisələri arasında Azərbaycan Milli Konservatoriyasının nəzdində fəaliyyət göstərən Sumqayıt Musiqi Kollecində 115 plan yerinin 51-i boş qalıb. Bu isə plan yerlərinin 44,35 faizinin dolmaması deməkdir.
Bununla yanaşı, bəzi kolleclərdə plan yerlərinin demək olar ki, tam dolduğu müşahidə olunub. Belə ki, Sumqayıt Dövlət Universitetinin nəzdində Sumqayıt Dövlət Texniki Kollecində 194 plan yerindən yalnız 2-si boş qalıb.
DİM-in məlumatına əsasən, qəbul olunanların orta bal göstəriciləri də kolleclərə maraq səviyyəsində öz əksini tapıb. Belə ki, Azərbaycan Milli Konservatoriyasının nəzdində Sumqayıt Musiqi Kollecində qəbul olunanların orta balı 98,973 təşkil edib.
