Sumqayıt Regional Mədəniyyət İdarəsində yeni təyinat olub. Sumqayıt24 bu barədə 4 oktyabr tarixində Mədəniyyət Nazirliyinə istinadən xəbər verir.
Mədəniyyət Nazirliyi sistemində sosial media fəaliyyətinin təkmilləşdirilməsi məqsədilə yeni “Kommunikasiya meneceri” layihəsi təqdim olunub. Layihə çərçivəsində nazirliyin Sumqayıt regional mədəniyyət idarəsi üzrə kommunikasiya meneceri Leyla Dadaşova ictimaiyyətə təqdim olunub.
Qeyd edək ki, menecer media subyektləri ilə, ictimaiyyətlə əlaqələr üzrə məsul nümayəndə olaraq çalışdığı regional idarənin tədbir və layihələrinin mediada işıqlandırılmasını, idarənin fəaliyyəti barədə ictimaiyyətin məlumatlandırılmasını və bundan irəli gələn digər vəzifələrin yerinə yetirilməsini, eləcə də sosial media fəaliyyətinin təşkilini təmin edəcək.
