Sumqayıt komandası "Zəkaların mübarizəsi" yarışında birinci yerə layiq görülüb.
Sumqayit24.az xəbər verir ki, "Zəkaların mübarizəsi" olimpiadasının şahmat istiqaməti üzrə final mərhələsi Bakı şəhərində, Təhsil Respublika İdman Mərkəzinin 3 nömrəli Uşaq-Gənclər İdman Şahmat Məktəbində keçirilib.
Final mərhələsində ölkənin müxtəlif bölgələrini təmsil edən şagirdlər komanda formatında mübarizə apararaq şahmat üzrə bilik və bacarıqlarını nümayiş etdiriblər.
Yarışın nəticələrinə əsasən Sumqayıt komandası yüksək nəticə göstərərək birinci yerə layiq görülüb.
Qalib komandanı təbrik edir, iştirakçılara gələcək fəaliyyətlərində uğurlar arzulayırıq!
