Sumqayıtda əhalinin banklardakı əmanətlərinin həcmi açıqlanıb.
Media Təhlil Mərkəzinin (MTM) Mərkəzi Bankın açıqladığı rəsmi məlumatlar əsasında apardığı təhlilə görə, əhalinin banklardakı əmanətlərinin həcmi son bir il ərzində 11,5 faiz və ya 1,64 milyard manat artaraq 15,91 milyard manata çatıb.
Cari ilin 1 noyabr tarixinə Sumqayıt şəhərində əhalinin banklardakı əmanətlərinin həcmi 383,6 milyon manat olub ki, bu da Bakıdan sonra ikinci ən yüksək göstərici hesab edilib. Növbəti pillədə 235,8 milyon manatla Gəncə şəhəri qərarlaşıb. İlk üçlüyü isə 214,4 milyon manatlıq əmanət həcmi ilə Abşeron rayonu tamamlayıb.
