Sumqayıt şəhərinin təcili tibbi yardım xidmətinin maddi-texniki bazasının gücləndirilməsi məqsədilə yeni ambulanslar təhvil verilib.
Sumqayit24.az xəbər verir ki, bu barədə TƏBİB məlumat yayıb.
Bildirilib ki, ölkə üzrə bölgələrə göndərilən 25 yeni ambulans və reanimobildən bir qismi Sumqayıt Təcili Tibbi Yardım Bölməsinin istifadəsinə verilib.
Yeni avtomobillər monitorlu defibrilyator, elektrokardioqraf (EKQ), pulsoksimetr, qlükometr, böyüklər və uşaqlar üçün AMBU dəstləri, portativ və stasionar oksigen sistemləri, mexaniki və elektrik aspiratorlar, vakuum xərək, onurğa taxtası, boyun və hava şinaları, larinqoskop, ilk yardım çantası və digər zəruri tibbi avadanlıqlarla təchiz olunub.
Həyata keçirilən islahatlar çağırışlara çatma müddətinin əhəmiyyətli dərəcədə azaldılmasını və vətəndaşlara göstərilən tibbi yardımın keyfiyyətinin daha da yaxşılaşdırılmasını hədəfləyir.
