Sumqayıt Cüdo Təlim Mərkəzində kəmər dərəcələri üzrə rəsmi imtahan keçirilib.
Azərbaycan Cüdo Federasiyasının təşkilat etdiyi imtahanda ümumilikdə 382 cüdoçu iştirak edib. İdmançılar yaş uyğunluğuna əsasən ağ-sarı, sarı, narıncı, yaşıl, göy və qəhvəyi kəmər dərəcələri üzrə nəzəri və praktiki bacarıqlarını nümayiş etdiriblər.
Yoxlamaları uğurla başa vuran cüdoçulara müvafiq kəmərlər və sertifikatlar təqdim olunub.
Federasiyadan bildirilib ki, kəmər imtahanları idmançıların texniki hazırlıq səviyyəsinin artırılması, cüdo fəndlərinin daha sistemli şəkildə mənimsənilməsi və onların motivasiyasının gücləndirilməsi baxımından mühüm əhəmiyyət daşıyır. Eyni zamanda, bu mərhələ gələcəkdə nüfuzlu daxili yarışlarda iştirak etmək istəyən cüdoçular üçün vacib tələblərdən biri hesab olunur.
