Sumqayıt şəhərində 34 yaşlı kişi azyaşlı qıza qarşı əxlaqsız hərəkətlər etməkdə ittiham olunub.
Məlumata görə, hadisə ötən ilin iyunun 5-də şəhərin 3-cü mikrorayon ərazisində baş verib.
1992-ci il təvəllüdlü Ehtiram həmin gün saat 19 radələrində alkoqol sərxoşluğu vəziyyətində binanın blokunun girişində 2018-ci il təvəllüdlü Sevdanın (adlar şərtidir - red.) köməksiz vəziyyətindən istifadə edib. O, zərərçəkmiş qıza qarşı zor tətbiq etmək hədəsi ilə ilk əvvəl onun sol yanağından öpüb. Daha sonra azyaşlı qızı qucaqlayaraq, əynindəki paltarlarını çıxarıb və ona qarşı seksual xarakterli zorakılıq hərəkətləri edib. Hadisə zamanı azyaşlının anası onu görərək müdaxilə edib.
Təqsirləndirilən şəxs məhkəmədə əməlini etiraf edib və hadisəni spirtli içkinin təsiri altında törətdiyini bildirib.
"Təqsirləndirilən şəxs mənə konfet vermək istədi. Mən bu təklifi rədd etdim, konfeti alaraq yerə atdım. Bundan sonra o, şirniyyatı yerdən götürdü və yenidən mənə vermək istədi. Mən də istəmədiyimi dedim. Daha sonra şortumu aşağı çəkdi. Məndən tutmuşdu, lakin mən onun əlindən qurtulub çıxa bildim. Bu olanları anam da gördü", - deyə azyaşlı bildirib.
Bu cinayət işinə Sumqayıt Ağır Cinayətlər Məhkəməsində baxılıb. Məhkəmənin hökmü ilə Ehtiram 17 il müddətinə azadlıqdan məhrum edilib. Onun cəzasını ciddi rejimli cəzaçəkmə müəssisəsində çəkməsi müəyyən edilib.
Mənbə: Demokrat.az
