Sumqayıtda yataqxanaların birində yaranan vəziyyət sakinləri ciddi şəkildə narahat edir.
Sumqayit24.az-a daxil olan məlumata görə, 16-cı məhəllə ərazisində yerləşən, 1945-ci ildə tikilən 3 saylı yataqxana hazırda olduqca acınacaqlı vəziyyətdədir.
Görüntülərdən də aydındır ki, divarlar qopub, tavan isə çöküb. Naqillər də açıq vəziyyətdədir.
Vətəndaşların sözlərinə görə, binada təxminən 70-ə yaxın sakin yaşayır və onlara özləri tərəfindən təmir işləri aparılmasına icazə verilmir. Səbəb kimi binada uçma təhlükəsinin olduğu bildirilir.
Sakinlər aidiyyəti qurumlardan əraziyə baxış keçirilməsini və məsələnin həlli istiqamətində tədbir görülməsini tələb edirlər.
