Sumqayıtda avtobus dayanacaqlarının birində yaranmış vəziyyətlə bağlı şikayət var.
Sumqayit24.az-a daxil olan məlumata görə, şəhərin 5-ci mikrorayonu, Nəriman Nərimanov küçəsində avtobus dayanacağı mövcud olsa da, marşrut avtobusları sərnişinləri dayanacaqdan bir az kənarda mindirib-düşürür.
Bu hal sərnişinlər arasında çaşqınlıq yaradır. Xüsusilə yaşlı insanlar və əraziyə bələd olmayan şəxslər avtobusa minmək üçün əlavə məsafə qət etmək məcburiyyətində qalırlar.
Vətəndaşlar aidiyyəti qurumlardan əraziyə baxış keçirilməsini və problemin qısa zamanda həll olunmasını tələb edirlər.
