Sumqayıtda fəaliyyət göstərən 33 nömrəli marşrut xətti ilə bağlı narazılıq yaranıb.
Sumqayit24.az-a daxil olan məlumata görə, sərnişinləri daşıyan avtobus hərəkətdə olarkən nasazlıq səbəbindən yolda qalıb. Bu səbəbdən insanlar nəqliyyat vasitəsindən düşürülüb.
Bildirilib ki, nəqliyyat vasitəsini yenidən hərəkətə gətirmək üçün sürücü və ərazidə olan bəzi şəxslər avtobusu itələməli olublar.
Sakinlər marşrut xəttində istifadə olunan avtobusların texniki vəziyyətinin yoxlanılmasının vacibliyini qeyd edərək, sərnişindaşıma xidmətinin keyfiyyətinin artırılmasını istəyirlər.
